Greining og þróun drykkjarmiða frá Ölgerð Egils Skallagrímssonar

Ritgerðin fjallar um drykkjasögu Íslands í bland við sögulega atburði, þróun drykkjarmiða frá Ölgerð Egils Skallgrímssonar og greiningu frá hönnunarlegu sjónarmiði. Einnig er farið yfir sögu Ölgerðarinnar og stöðu hennar í dag. Fyrsti kafli fjallar um sögu gosdrykkjagerðar á Íslandi en þar er farið yfir hvenær gosdrykkjagerð byrjaði á Íslandi, hvaða fyrirtæki og drykkjaframleiðendur störfuðu á öldinni, sögu þeirra og atburði í sögu Íslands sem tengjast þeim tímabilum sem um ræðir. Annar kafli fjallar um hluta af drykkjum og drykkjarmiðum Ölgerðarinnar en þar er farið yfir hvernig útlit miðanna breytist í áranna rás frá hönnunarlegu sjónarmiði og mögulegum ástæðum fyrir breytingum þeirra. Einnig er farið yfir hvaða auglýsingastofur og hönnuðir sáu um hönnun á miðum og umbúðum upp úr 1990. Þriðji kafli fjallar um stöðu Ölgerðarinnar í dag en þar er einnig farið í stuttu máli yfir vöruþróun fyrirtækisins og hverjar helstu áskoranir séu við hönnun drykkjaumbúða í dag. Við rannsókn og skrif ritgerðarinnar var notast við heimildir úr greinum í íslenskum dagblöðum og tímaritum á vefmiðlum og á tímarit.is. Upplýsingar um sögu Ölgerðarinnar og drykkjarmiða þeirra voru að miklu leyti sóttar af heimasíðu þeirra en upplýsingar um danska drykkjarmiða fengust frá íslenskum og dönskum drykkjarmiðasöfnum á netinu. Einnig var haft samband við fyrrverandi starfsmenn og markaðsstjóra Ölgerðarinnar og alls konar fólk úr markaðs- og auglýsingabransanum, bæði hönnuði og stjórnarfólk. Í samskiptum við allt þetta fólk kom fram töluvert af gagnlegum upplýsingum um mögulegar ástæður breytinga miðanna og hvaða stofur og hönnuðir sáu um þær. Við skrif ritgerðarinnar kom m.a. í ljós að fyrstu drykkjarmiðar Ölgerðarinnar voru innblásnir eða fengnir frá Danmörku, ástæðan fyrir hvarfi dönsku kórónunnar á miðunum í kringum 1970, ástæðan fyrir hvarfi og endurkomu appelsínunnar á Appelsíni, áskoranir við hönnun drykkjaumbúða og hvers vegna leitað er til fortíðar á núverandi umbúðum Ölgerðarinnar