Greining á ferli reikninga hjá alþjóðlegu fyrirtæki

Vinsældir straumlínustjórnunar hafa aukist mikið á undanförnum árum. Hugmyndafræði straumlínustjórnunar snýst um að starfshættir og verkferlar séu í stöðugri endurskoðun með það að markmiði að lágmarka sóun og hámarka virði. Þegar ferli eru einfölduð og stytt er hægt að minnka kostnað, auka skilvirkni og bæta frammistöðu ferla í heild sinni. Rannsókn þessi er greining á ferli reikninga hjá alþjóðlegu fyrirtæki með aðferðafræði straumlínustjórnunar að leiðarljósi. Markmið rannsóknarinnar er að greina hvaða vandamál eru til staðar og koma með umbótatillögur til að bæta frammistöðu ferlisins. Um eigindlega tilviksrannsókn var að ræða þar sem haldnar voru vinnustofur og voru þátttakendur tveir starfsmenn fyrirtækisins. Tilgangurinn með vinnustofunum var að rýna í ferlið með kortlagningu, gera grein fyrir vandamálum og koma með tillögur að umbótum. Niðurstöður rannsóknarinnar sýndu fram á að hægt er að gera ýmsar umbætur á ferli reikninga til bæta frammistöðu þess. Greining á ferlinu leiddi í ljós 11 vandamál og fimm tegundir sóunar. Með umbótum á einni sóun, vannýttu starfsafli, er hægt að leysa mörg vandamálanna og lágmarka eða jafnvel útrýma annarri sóun. Með tilliti til þeirra vandamála sem fundust ásamt þeim umbótum sem lögð voru til var ferlið endurhannað. Í endurhönnuninni var ferlið stytt til muna og sýnir það ákveðna óskastöðu á ferli reikninga.Verkefnið er lokað í 5 ár með samþykki Viðskiptafræðideildar