Bölvun aðlaganna: Greining á aðlögunum milli tölvuleikja og kvikmynda

Í þessari ritgerð eru skoðaðar aðlaganir á milli tölvuleikja og kvikmynda og greint verður munin á þessum tveimur miðlum. Í hvora áttina sem er aðlagað er alræmt að slík verk fá sjaldan jákvæðar viðtökur og verður hér rýnt í það hvort að ástæðan felist í muninum á milli miðlanna. Tekin verða dæmi umaðlaganir bæði tölvuleikja og kvikmynda sem sýna fram á vandamál þegar kemur að því að túlka efni inn í nýjan miðil. Þá verða tekin dæmi um tölvuleiki og kvikmyndir sem sýna fram á ólíkar áherslur hjá miðlunum sem leiða til ósamræmis þegar kemur að aðlögunum. Þar að auki verða skoðaðar frásagnarhefðir tölvuleikja og kvikmynda og af hverju, þrátt fyrir að vera á yfirborðinu svipaðir miðlar með áherslur á hljóð og mynd, þessir miðlar eru ekki eins sambærilegir og ætla mætti. Greiningar Blake Snyder á uppbyggingu frásagnar í kvikmyndum verður skoðuð til að benda á mun í frásagnarhefðum miðlanna. Einnig verður notast við greiningar Jesper Juul til skilgreiningar á uppbyggingu tölvuleikja og hvaða hlutverki frásögn þeirra gegnir. Þegar kemur að kvikmyndum byggðum á tölvuleikjum verður skoðað hvort og hvernig hægt er að miðla upplifun spilunarinnar með tækjum kvikmyndanna. Þegar kemur að tölvuleikjum byggðum á kvikmyndum verður skoðað hversu stóru hlutverki frásögn myndarinnar gegnir í tölvuleiknum og hvernig söguheimur myndarinnar til að skapa veröld sem á við fyrir tölvuleik