Reikningshaldsleg meðhöndlun varanlegra rekstrarfjármuna og óefnislegra eigna

Viðfangsefni þessarar ritgerðar er reikningshaldleg meðhöndlun varanlegra rekstrarfjármuna og óefnislegra eigna. Gerð er grein fyrir helstu skilgreiningum viðfangsefnisins ásamt ferlinu sem fer í gang við kaup á efnislegum og óefnislegum eignum. Ferlið ber með sér skráningu á eignum, mat á eignum, afskriftir og afskriftaraðferð, ásamt virðisrýrnun og virðisrýrnunarprófi. Einnig er fjallað um lög og reglur sem þarf að fara eftir og taka tillit til við gerð reikningsskila. Lög sem þarf að fara eftir við gerð ársreikninga eru lög um ársreikninga nr. 3/2006 og alþjóðlegir reikningsskilastaðlar, IFRS. Skoðuð er sérstaklega meðferð alþjóðlegu reikningsskilastaðlanna IAS 16 um varanlega rekstrarfjármuni, einkum og IAS 38 um óefnislegar eignir. Að lokum er gerður samanburður á ársreikningum Nýherja hf. og HB Granda hf. Fyrirtækin eru í mjög ólíkri starfsemi en reikningsskil þeirra eru hliðstæð þar sem bæði fyrirtækin gera upp í samræmi við alþjóðlega reikningsskilastaðla