Óefnislegar eignir

Nokkur gagnrýni hefur verið um hvernig staðið hefur verið að eignfærslu óefnislegra eigna, sérstaklega viðskiptavildar og því er mikilvægt að vanda til verks þegar færa á óefnislegar eignir í efnahagsreikninga. Í ritgerðinni er fjallað um óefnislegar eignir og hvernig meðhöndlun þeirra í reikningsskilum er háttað. Komið er inná mat óefnislegra eigna og hvernig þær eru afskrifaðar. Alþjóða reikningsskilastaðlarnir skipa sinn sess í ritgerðinni og er umfjöllunin í samræmi við ársreikningalögin. Viðskiptavild er sú eign sem er hvað fyrirferðarmest af óefnislegum eignum og talið er að hún hafi verið stórlega ofmetin í efnahagsreikningum fyrirtækja seinustu ár. Þar af leiðandi er nokkuð ítarleg umfjöllun um viðskiptavild. Spurningar sem ég leitast eftir að fá svör við í ritgerðinni eru annars vegar, hvernig skal meðhöndla óefnislegar eignir við mismunandi aðstæður? Og hins vegar, hvernig hefur þróunin verið í bókaðri viðskiptavild? Ritgerðin er fræðilegs eðlis og heimildir riterðarinnar eru traustar. Niðurstöður ritgerðarinnar eru þær að óefnislegar eignir hafa vaxið svo um munar í efnahagsreikningum fyrirtækja undanfarin ár og telja margir hana vera ofmetna og að hún endurspegli ekki sitt raunverulega virði. Því ber að meta viðskiptavild með áreiðanlegum hætti áður en hún er færð í efnahagsreikning fyrirtækis