IAS 16 Varanlegir rekstrarfjármunir. Afskriftir og mat

Viðfangsefni þessarar ritgerðar eru varanlegir rekstrarfjármunir og alþjóðlegi reikningsskilastaðallinn IAS 16 sem fjallar um reikningshaldslega meðferð þeirra. Í upphafi ritgerðarinnar verður farið stuttlega yfir hvers vegna fyrirtæki semja reikningsskil og hvaða aðferðum þau þurfi að fylgja við gerð þeirra. Samkvæmt íslensku ársreikningalögunum nr. 3/2006 eiga öll skráð íslensk fyrirtæki að semja reikningsskil sín í samræmi við IFRS. Fjallað verður um hvað telst til kostnaðarverðs varanlegra rekstrarfjármuna og hvernig þeir skuli upphaflega vera skráðir. Einnig verður farið yfir hvernig kostnaður sem fellur til eftir upphafsskráningu skuli meðhöndlaður og þau atriði sem þarf að endurskoða reglulega varðandi eignir eins og hvort virðisrýrnun hafi átt sér stað. Afskrifa verður alla varanlega rekstrarfjármuni samkvæmt IFRS og farið verður ítarlega yfir þau atriði sem þarf að huga að við ákvörðun afskriftar ársins. Það þarf að ákvarða hver afskriftastofn eignanna er, hver nýtingartími þeirra er og hvaða afskriftaraðferð skuli vera notuð. Það fer eftir eðli eignanna hvaða aðferð hentar best en hver aðferð verður vel útskýrð með dæmum. Einnig verður skoðað hvaða kröfur íslensku tekjuskattslögin nr. 90/2003 gera til fyrirtækja um afskriftir varanlegra rekstrarfjármuna þess. Að lokum verður farið yfir þær aðferðir sem IAS 16 heimilar til meðferðar á varanlegum rekstrarfjármunum eftir upphaflega skráningu og hvernig færa eigi endurmat samkvæmt íslensku ársreikningalögunum