Ég vil geta hlaupið hratt eins og Aría : greinargerð um barnabók : næringarfræði fyrir börn

Verkefnið samanstendur af greinargerð og barnabók fyrir börn á aldrinum 3–6 ára sem er í raun námsbók í næringarfræði. Námsbókin hentar bæði foreldrum, leikskólakennurum og börnum. Meginmarkmið með bókinni er að auka áhuga barna á næringu og þannig stuðla að almennu heilbrigði. Rannsóknir hafa sýnt að með hollri fæðu sé hægt að minnka líkur á ýmsum sjúkdómum. Næring er einnig nauðsynleg fyrir eðlilegan þroska og til að viðhalda eðlilegri líkamsþyngd. Offita barna verður æ algengara vandamál um heim allan. Offita getur haft skaðleg áhrif og því nauðsynlegt að bregðast snemma við vandanum. Matarvenjur barna leggja grunninn að fæðuvali síðar á lífsleiðinni. Stór hluti (96%) allra 3– 5 ára barna borða að lágmarki 3–4 máltíðir á dag í leikskóla. Að því sögðu er sérlega mikilvægt að leikskólakennarar séu góðar fyrirmyndir á matmálstímum og leggi áherslu á holla næringu barna