Fjölbreyttar fjölskyldur og barnabækur : Bára Brá og fjölskyldurnar í ævintýraskóginum : barnabók

Í samfélagi okkar ríkir mikil fjölbreytni og eru hér ólíkir einstaklingar með ólíkan uppruna og ólík fjölskylduform. Börn sem búa í fjölbreyttu samfélagi eiga að hafa kost á því að mismunandi umhverfi þeirra séu gild og virt í samfélaginu og þá sérstaklega innan skóla- og námsumhverfis þar sem miklum tíma af þeirra daglega lífi er eytt. Mikilvægi þess að börn geti endurspeglað sjálf sitt í umhverfinu er gríðarlegt og gerist það til dæmis við lestur barnabóka. Verkefni þetta samanstendur annars vegar af fræðilegri greinagerð þar sem umfjöllun er um fjölskylduna og hvers vegna mikilvægt sé að gera grein fyrir fjölbreytileika hennar í námi og umhverfi barna, mikilvægi lestrar og gildi barnabókmennta. Greinagerðinni fylgir barnabók sem skrifuð er með þeim tilgangi að sína fjölbreyttar fjölskyldur í máli og myndum til skemmtunar og fræðslu. Bára Brá og fjölskyldurnar í ævintýraskóginum er barnabók ætluð eldri börnum leikskóla og yngri börnum grunnskóla. Í bókinni eru ævintýraverur sem tilheyra allskonar fjölskyldum sem hjálpa Báru Brá þegar hún lendir í vandræðum með að rata heim til sín. Bókin hefur það megin markmið að segja frá, sýna og fræða börn um fjölbreytileika fjölskyldna með óbeinum hætti með skemmtilegri sögu sem gerist í umhverfi sem börnin kannast við