Námsgengi fjöltyngdra barna : hvernig ná þau mestum árangri í námi?

Þessi ritgerð er unnin sem lokaverkefni í grunnskólakennslu yngri barna á kennslu- og menntunarfræðibraut Háskóla Íslands á vorönn 2023. Í ritgerðinni er fjallað um námsgengi fjöltyngdra barna í grunnskólum og hvernig þau ná sem bestum árangri. Ástæða viðfangsefnis er meðal annars gífurlegur fjöldi flóttafólks og innflytjenda sem kemur til Íslands á hverju ári. Ljóst er að fjöltyngd börn á Íslandi er nemendahópur sem mun stækka með árunum. Menntakerfið á Íslandi er ekki tilbúið í að taka á móti sístækkandi hópi fjöltyngdra barna og því þarf að leita leiða hvernig hægt sé að bæta námsgengi þeirra. Bæði íslenskar og erlendar rannsóknir eru nýttar og niðurstöður úr þeim skoðaðar. Helstu niðurstöður eru að efling orðaforða fjöltyngdra barna í skólatungumálinu skiptir gríðarlega miklu máli fyrir námsgengi þeirra. Mikilvægt er að skólastjórnendur, kennarar, leiðbeinendur og aðrir starfsmenn skóla nýti sér efni sem styður námsgengi fjöltyngdra barna eins og fram kemur í þessari ritgerð. Einnig getur það verið gagnlegt fyrir öll þau sem vinna með börnum og unglingum að kynna sér hvernig hægt er að styðja við fjöltyngd börn