O porco de pé e algo máis

Anxo Tarrío opina que a atención que se lle prestou á novela de Vicente Risco O porco de pé (1928) eclipsou outras do mesmo autor e de talante escritural semellante pero redactadas en castelán despois da Guerra Civil. Por iso céntrase en dar claves para comprender os textos narrativos que Risco publicou na posguerra ou deixou inéditos e só se fixeron públicos despois da súa morte. Tales textos son as novelas La puerta de paja, Gamalandalfa, El niño de dos cabezas de Promonta, Saitaphernes e algúns relatos de non menor interese, nos que Vicente Risco amosa o seu gusto polo fragmentario e por crear estruturas rizomáticas que lle prestan á súa escritura unha total actualidade