Gehiago Hirugarren Zelestinako euskal pasarteez: Leideneko eta Municheko aleak (1536)

Lan honek Gaspar Gómez de Toledoren Tercera parte de la tragicomedia de Celestina (1536) erdal lanean txertatutako euskarazko materialak aurkezten eta iruzkintzen ditu; zehazki, xx. mendearen hasieraz geroztiko euskal tradizioan Perutxoren kanta deitu izan dena eta zenbait aututan barreiatutako euskal hitzak. Testu gehienak orain arte ere landu izan dira euskalarien artean; baina, besterik ezagutzen ez zela-eta, bigarren ediziotik abiatuta egin dira edizio-azterketak. Lan honetan, berriz, Leideneko eta Municheko biblioteka banatan dautzan editio princepsak izan ditugu abiapuntu: materialen edizioa prestatzearekin batera, aurreko ikertzaileek ezagutu gabeko hitzen bat gehitu dugu, eta testuko euskara Arabakoa izan daitekeelako zantzuak daudela proposatu. HITZ GAKOAK: euskal testuak; filologia; mendebaleko euskara; euskara arkaikoa