Hugrænn styrkur íþróttafólks : hvaða áhrif hefur hugrænn styrkur á frammistöðu íþróttafólks?

Andlegur- og líkamlegur styrkur í íþróttum eru jafn mikilvægir þættir í frammistöðu íþróttamanns og hefur það verið margsannað með ýmsum rannsóknum á sviði íþróttasálfræðinnar. Árangur ræðst ekki aðeins af líkamlegri færni heldur einnig af hugrænni færni og því er mikilvægt að þróa hugrænan styrk í íþróttafólki frá unga aldri. Markmið verkefnisins er að kanna áhrif hugræns styrks á frammistöðu íþróttafólk og hvernig sálfræðilegir þættir geti styrkt og ýtt undir bætta frammistöðu. Niðurstöður úr heimildaleit sýndu marktæk tengsl á milli hugræns styrks og frammistöðu íþróttafólks sem undirstrikar mikilvægi þess að viðhalda hugrænum styrk svo hann sé áhrifaríkur til lengri tíma. Til þess að viðhalda hugrænum styrk þarf að þjálfa hugræna færni en það er gert með ýmsum hugarþjálfunaraðferðum eins og til dæmis með markmiðasetningu, skynmyndun og sjálfstali. Lykilhugtök: Hugrænn styrkur, skynmyndun, markmiðasetning, sjálfstal, sjálfstraus