Hönnun og smíði á mælitæki til að mæla dragkrafta á æfingablöðku í vatni

Markmiðið í þessu verkefni var að hanna og smíða mælitæki sem gæti mælt þá dragkrafta sem verða til við notkun á æfingablöðkum í vatni. Við hönnun tækisins var horft til þess hvernig væri hægt að líkja sem mest eftir raunverulegri hreyfingu hjá manneskju og geta því heimfært kraftana auðveldlega yfir á manneskju. Smíði tækisins fór fram á verkstæði Háskólans í Reykjvavík og voru nýtt þau tæki sem það býr yfir eins og t.d. rennibekkir og suðuvélar. Mælingar voru einnig gerðar inná verkstæði skólans þar sem mælitækið var tengt við aflestrar búnað sem gat skráð niður upplýsingar úr aflnema. Helstu niðurstöður gáfu til kynna að með auknum hraða og fleiri spörkum jukust dragkraftarnir mikið. Þá var einnig hægt að sjá úr niðurstöðum að á hægasta mælda hraðanum voru dragkraftarnir frekar litilir og nánast engir