Atvinnumál fólks með fötlun : eru hæfingarstöðvar í takt við stefnur í nútímasamfélagi?

Ritgerð þessi fjallar um atvinnumál fólks með fötlun en atvinnuþátttaka þess hefur að mestu verið í aðgreindum úrræðum í gegnum tíðina. Í ritgerðinni er skoðað hlutverk hæfingarstöðva í nútímasamfélagi. Stuðst verður við samning Sameinuðu þjóðanna, lög um málefni fatlaðra og reglugerð um atvinnumál fatlaðra. Atvinnutækifæri fatlaðs fólks verða skoðuð í sögulegu samhengi og staðan í dag er skoðuð í stærstu sveitarfélögum landsins. Verkefnið er fræðileg úttekt en vegna þess hversu lítið var til af gögnum, þá voru tekin viðtöl við fagfólk sem hefur reynslu í málaflokknum. Niðurstöður benda til þess að fólk ílengist inni á hæfingarstöðunum vegna þess hversu fá önnur úrræði eru í boði