Atvinnuleysi meðal ungs fólks: Umfang og úrræði í kjölfar fjármálahruns

Í þessari ritgerð verður fjallað um atvinnuleysi, umfang þess og úrræði fyrir atvinnuleitendur. Fjallað verður um vinnumenningu, þróun atvinnuleysis hérlendis og stöðu Íslands í alþjóðlegum samanburði. Sérstaklega verður fjallað um atvinnuleysi meðal ungs fólks sem tilheyrir gjarnan þeim hópi vinnumarkaðarins sem verða atvinnulausir í efnahagslegum þrengingum. Þá hafa rannsóknir bent til þess að atvinnuleysi snemma á vinnuferlinum geti haft slæm áhrif út starfsævi fólks. Gerð verður grein fyrir margvíslegum vinnumarkaðsaðgerðum og sérstökum verkefnum sem komið voru á laggirnar í kjölfar aukins atvinnuleysis eftir fjármálahrunið haustið 2008. Þá verður sérstaklega fjallað um þátttöku og árangur af slíkum verkefnum. Niðurstaða höfundar er sú að vinnumarkaðsúrræði hafi átt mikilvægan og ráðandi þátt í því að draga úr atvinnuleysi meðal fólks í kjölfars hrunsins. Slík úrræði hafa ekki aðeins reynst gagnleg til að draga úr atvinnuleysi heldur einnig verið aukinn stuðningur fyrir atvinnuleitendur á meðan á atvinnuleit stendur. Með slíkum úrræðum má því bæði koma í veg fyrir tekjutap ríkissjóðs eins og að draga úr slæmum afleiðingum atvinnuleysis