Kostnaður eykst en leikskólagjöld lækka; hvað veldur?

Menntamál hafa ávallt verið mikið í deiglunni, enda er menntun einn af mikilvægustu þáttunum sem örvar hagvöxt til framtíðar. Þegar menntun er athuguð er ef til vill nauðsynlegt að byrja á grunninum, þ.e. á leikskólum. Í þessari ritgerð verður fjallað um leikskóla Reykjavíkurborgar og helstu atriði varðandi rekstur þeirra. Þá verður eftirfarandi spurningu svarað: hvað veldur aukningu rekstrarkostnaðar leikskólanna á föstu verðlagi og lækkun leikskólagjalda á sama tíma? Notuð voru gögn úr stefnu og starfsáætlunum Leikskólasviðs til að reikna út rekstrarkostnað og kostnaðarþátttöku foreldra á hvern barn í samtals 78 leikskólum. Þá voru gögnin leiðrétt miðað við vísitölu neysluverðs. Að skoða þessar stærðir á föstu verðlagi gaf raunhæfara mat á niðurstöður sem ekki voru augljósar við fyrstu sýn. Helstu niðurstöður sem fengust voru þær að aukning kostnaðar er fólgin í auknum breytilegum kostnaði þar sem fjöldi starfsmanna á hvern barn er að aukast. Styttri dvalartími barna var ástæða fyrir lægra leikskólagjöldum