Leikir í enskukennslu á Íslandi

Tilgangur þessa lokaverkefnis er að sýna fram á mikilvægi leikja sem hluta af kennsluaðferð í tungumálakennslu. Í þessari umfjöllun er sýnt fram á það hversu góð viðbót leikir geta verið til þess að mæta kröfum um aukna fjölbreytni í kennslu. Í ritgerðinni er farið yfir uppruna leikja, hvers vegna þeir eru mikilvægir fyrir tungumálakennsluna, samþættingu leikja og hefðbundinna kennsluaðferða og hvað kennari þarf að hafa í huga þegar leikir eru valdir. Einnig verður stuttlega skoðuð staða leikja á Íslandi. Í lokinn útskýrir höfundur hversu mikið gagn er hægt að hafa af leikjum í tungumálakennslu á unglingastigi og gefur uppskrift að sjö leikjum sem gætu nýst við kennslu á unglingastigi. Helstu niðurstöður eru að leiki er auðveldlega hægt að flétta saman við venjulegar kennsluaðferðir í því skyni að mæta misjöfnum þörfum ólíkra einstaklinga. Þeir eru mikilvæg viðbót við tungumálakennsluna vegna þess að leikir auðga og létta lærdómsandrúmsloftið, þar sem nemendur ná að festa í minni lykilatriði á óþvingaðan hátt