BABANDINGAN DONGÉNG DALEM BONCÉL, MALIN KUNDANG, JEUNG NINI KUDAMPAI PIKEUN BAHAN PANGAJARAN MACA DONGÉNG DI KELAS VII SMP

Hakékatna pangajaran sastra téh pikeun umajak ka siswa neulueman pangalaman-pangalaman batin anu nyangkaruk dina karya sastra. Lain saukur niténan guluyurna jalan carita, tapi ogé siswa bisa meunangkeun atikan-atikan anu bisa ngawewegan moralna pikeun bekel kahirupanana. Ieu hal téh saluyu jeung tarékah pamaréntah pikeun ngawangun tuturus bangsa anu miboga karakter anu hadé. Ku kituna, ieu panalungtikan téh kudu dilakukeun, pikeun ngajembaran panalungtikan ngeuaan babandingan dina karya sastra. Salian ti kitu, ieu panalungtikan ogé pikeun investasi guru dina ngembangkeun bahan pangajaran, utamana dina bahan pangajaran dongéng