Hovudstaden som terrormål: Kva faktorar bidreg til angrep mot statens hjerte?

Problemstillinga i denne oppgåva er: I kva grad har terrorangrepa i perioden 1998-2011 vore retta mot ein stats hovudstad, og kva variablar forklarer hovudstadsangrep? Hovudhypotesen i oppgåva er at fleirtalet av angrepa er retta mot hovudstaden på grunn av at dei har ei rekkje funksjonar som gjer dei attraktive for terroristar. Ein tredjedel av statane i verda har opplevd fleirtalet av terrorangrepa i hovudstaden. Hovudstaden er spesielt utsett for angrep i statar som opplever lite terrorisme, og det er også ein del regionale skilnader. Statistikk viser også at angrep i hovudstadar i gjennomsnitt har vore meir dødelege enn aksjonar andre stader i perioden. Hovudhypotesen blir likevel avvist sidan berre 16,5 prosent av alle angrep har skjedd i hovudstadar. Prosentdelen terrorangrep i hovudstader har også gått noko ned i løpet av perioden. Ein regresjonsanalyse viser at sentralstatar er meir utsette for hovudstadsangrep enn føderalstatar. Ideologi er også ein viktig faktor for å forstå kvar terroristar slår til. Islamistiske har større sannsynlegheit for å slå til mot hovudstadar, medan nasjonalistar i større grad slår til mot mål utanfor hovudstaden. I statar som er involvert i væpna konfliktar skjer ein mindre del av terrorangrepa i hovudstaden. Det er også undersøkt om regimestatus og økonomiske forhold som GDP-nivå, HDI-nivå og bruken av pengar på velferd kan forklare hovudstadsangrep. Det er likevel ingen tydeleg effekt for desse variablane