Refleksjon for kompetanse, kompetanse for kvalitet og mestring

Antal dødsfall i kommunane aukar. Kompetansen innan palliasjon varierer frå pleiar til pleiar og frå eining til eining. Eg vil ved hjelp av refleksjonsgrupper og undervisning auke kompetansen slik at kvaliteten på pleien, omsorgen og behandlinga til pasientar og deira pårørande vert betre. Forsking viser at kompetanseheving styrker tenestane pleiarane gjev og gjer at pleiarane kjenner seg meir rusta til arbeidet. Refleksjon er eit veleigna reiskap for læring. Kunnskapsbasert praksis skal ha fokus i refleksjonsgruppene. Forskingsbasert kunnskap, erfaringsbasert kunnskap, brukarmedvirking og konteksten rundt, er alle viktige element i praksis. Prosjektet har særleg fokus på forskingsbasert kunnskap via undervisning og refleksjon, sidan dette ifølge forsking oftast ikkje vert teke opp i refleksjon av pleiarane sjølv. Kommunen skal vere ein stad der pasient og pårørande får kyndig og god hjelp til å leve og dø med alvoleg og uhelbredeleg sjukdom. Gjennom prosjektperioden skal kvar eining i heimesjukepleie og sjukeheim i kommunen få ei refleksjonsgruppe som går annankvar veke i arbeidstida, beståande av dei som er på jobb. Kvar månad i samband med gruppene skal det vere undervisning. Tema til denne undervisninga vert sett opp i eit årshjul. Målet er å heve kvaliteten på tenestane kommunen gjev til palliative pasientar og deira pårørande via auka kompetanse og refleksjon rundt eigen praksis. Prosjektet er godkjend av leiinga i kommunen og krev ikkje andre godkjenningar