A Cultura Popular na Galicia Medieval: Ocio e Devocións

A cultura popular constituíu un dos eixos da Idade Media, pois case a totalidade da poboación, neste caso concreto do noroeste peninsular, era partícipe ou comprendía os seus significados. Nesta cultura, o ocio e os seus elementos tiñan unha importancia capital, sobre todo pola súa función na concepción do tempo e a estreita relación coa devoción, expresadas ambas, principalmente, no marco espazo-temporal da festividade. A pesares da relevancia da festividade o ocio, como a devoción, non se restrinxía a este contexto; a vida cotiá foi tamén escenario das súas manifestacións concretas, tales como a risa, o baile ou o xogo. Estas manifestacións e a súa relación co cristianismo “oficial” evolucionaron ao longo da Idade Media, orixinando un proceso de aculturaciñn no que dúas culturas, a popular e a cristiá, aportaron e determinaron a cultura medieval