Missale Sancti Maglorii Parisiensis cum notis [Missel de Saint-Magloire de Paris. — Musique notée]

Numérisation effectuée à partir d'un document original.F. A-F : Calendrier. F. 1 : Temporal. F. 217 : Sanctoral. F. 353 : Commun des saints. F. 378 : Messes votives. F. G-H : Fondation d'une messe perpétuelle à Saint-Magloire de Paris. « La messe perpétuelle chascun jour par maistre Jehan de la Croix, conseiller et maistre des comptes du Roy nostre sire, et damoiselle Jehenne la Coquatrixe, sa femme, ordonnée et fondée au mois d'aoust, l'an M CCCC XII, en ceste église et abbaye de monseigneur saint Magloire à Paris, en la chappelle de l'Assomption Nostre Dame et de monseigneur saint Eustace qu'ilz y ont fait faire. Et aussi un obit solempnel ou annyversaire perpétuel chascun an doivent estre faiz, ditz, chantés et célébrés, par la manière cy après déclairée. C'est assavoir ladicte messe en ladicte chappelle chascun jour de la sepmainne tant comme lesdiz fondeurs vivront ensemble ; le dymenche, du temps et mémoire du Saint-Esperit ; le lundi, des trépassés et mémoire des angelz ; le mardi, du Saint-Esperit et mémoire des trespassés ; le mecredi, de la Trinité et mémoire de Nostre Dame ; le jeudi, du Saint-Sacrement et mémoire des trespassés ; le venredi, de la Croix et Passion de Nostre-Seigneur et mémoire de Nostre Dame ; le samedi, de Nostre Dame et mémoire du Saint-Esperit ; et a chascune messe oroison propre pour le Roy, et à la fin, l'euvangile saint Jehan, sauf tant que es jours que les festes solempnelles escherront et aussi les festes de Nostre-Dame, des apostres et autres festes dont l'en a acoustumé à faire solempnité en ladicte église, celluy qui dira ladicte messe la pourra dire, s'il luy plaist, et faire de la solempnité ou de la feste qui y escherra. — Et après le trespassement du premier desdiz fondeurs qui yra de vie à trespassement, ladicte messe doit estre chascun jour, par l'espasse d'un an entier, des trespassés avecques mémoire un jour de Nostre Dame, l'autre jour du Saint-Esperit, oroison pour le Roy, et en la fin l'euvangile saint Jehan comme dessus. — Item, ledit an passé, ladicte messe, mémoire, oroison et euvangile seront dictes chascun jour par la manière première cy-devant déclairée. — Et samblablement sera fait après le trespassement du derrenier trespassé desdiz fondeurs. — Item, ladicte messe doit estre commencée chascun jour tantost après la fin de l'euvangile de la grant messe que l'en chantera en ladicte église. — Item, un pou avant le commencement de ladicte messe, l'en doit chascun jour tinter et coppeter, par XX fois et par XX cops entresuyvant, à l'une des moyennes cloches ou sains qui sont en la tour de ladicte église. — Item, doit avoir chascun jour pour luminaire à ladicte messe un cierge de cire ardant au lonc de ladicte messe et une torche alumée quant on lèvra Nostre Seigneur. — Et ledit obit solempnel ou annyversaire perpétuel doit estre fait chascun an, en ladicte église, le XIXe jour dudit mois d'aoust, tant en vigilles comme en messe, sonnerie, luminaire, aumosnes et autres solempnités que l'en a acoustumé à faire et que l'en fait pour les autres obis solempnelz par avant fondés et ordonnés en ladicte église. »De la bibliothèque de l'Oratoire de Saint-Magloire de Paris, suivant les ex-libris du fol. A : "Ex-libris Oratorii Sanmagloriani" (XVIe s.) et de l'intérieur du premier plat (XVIIe s.) . A l'intérieur du premier plat, la cote G 30, du catalogue de Saint-Magloire de Pierre Delaplanche (cf. Arsenal Ms-5337, fol. 23 vo). Ce manuscrit est entré à la Bibliothèque de l'Arsenal par la voie des confiscations révolutionnaires