Les systèmes de projection. Troisième projection : Cosmographie universelle

Manuscrit enluminé sur papier, 118 p. dont 57 planches, 53 x 36 cm« Par ceste figure, tenant forme orbiculaire et ronde, n'aparait a la foys que une moictié seulle de la superficie de toute l'orbe, et ce pour autant que l'orison faict separaction et division esgualle d'icelluy. Pourquoy en quelque lieu qu'on habite, la demonstraction de la moictié dudict orbe est faicte. Raison pour laquelle j'ay faict la figure presente en la forme que la voyés, est pour autant qu'elle ne monstre que une moictié de la terre universelle, en laquelle les degrés tant de longitude que de latitude sont formés et marqués, les paralelles et meridiens aussi. Les terres et pais cy aprez depainctz et descriptz, scavoir est de la part de septentrion, la terre de Labrador, de la part du midy, partie de la Terre Australle, et destroit de Magellan, est terre du Bresil ; de la part d'orient, Affricque et Europpe, jusque a la Cicille, et de la part d'occident, Les Caniballes, Entilles, et Floride.