Europe méridionale et Afrique du nord-ouest : Cosmographie universelle

Manuscrit enluminé sur papier, 118 p. dont 57 planches, 53 x 36 cm« La presente figure demonstre une partie de l'Affricque, envyronné du costé de septentrion de la mer Mediterranee, avec partie de l'Espaigne, du [costé] d'occident la mer occeane dicte Atlanticque, situee soubz la zonne temperee, soubz le deuxiesme climat dia Sienes, ou les provinces et regions sont decriptes comme Mauritanie, Tingiana, Barbarie, Getulie, Niacaes Manita, Numïdia Nova, Itambes, Libie Interior. Ausquelles provinces vous pouvés voir partie des principalles villes et fleuves denommés, avec quelques montaignes. Les abitans de ceste terre du costé de Jubaltar sont Mores blanctz, avec lesquelz plusieurs ont traficque. Ceste terre est fretille, temperee et cultivee de sucres, chires, amandes, blectz, roisins, daptes, et aultres plusieurs sortes de fruictz. Elle nourit chevaux, cameaux, beufz, moutons, sengliers, lions, onces, elephans, et plusieurs aultres sortes tant bestes, que serpens. Dessus le hault pays de ceste region les hommes sont noirs.