Les systèmes de projection. Deuxième projection : Cosmographie universelle

Manuscrit enluminé sur papier, 118 p. dont 57 planches, 53 x 36 cm« Par ceste figure, l'on peult congnoistre comme l'orbe se peult diviser en plusieurs parties, comme par icelle sont amplement representés les troys quarctz d'une moictié du monde, ayant son extendue depuis le polle Articque jusques a l'equinoctial ; laquelle faict demonstraction de la meilleure partie de toute l'Asie, tant en latitude que en longitude. Les paralelles et meridiens sont dessus marquees, comme sus la forme d'une moictié de balle ou eteuf, laquelle moictié, hors mis la quarte partie, ne retient que les troys aultres parties. Le centre de laquelle est ledict polle. La circonferense ou rondeur est l'equinoctial. Ainsy par sa demonstraction, elle retient troys quarctz prenant de l'equinoctial jusques au polle 90 degrés, de occident jusque en orrient 270 degrés, commenceant par les 45 degrés de longitude et finissant par les 315 degrés de la mesme longitude.