Achegamento á sintaxe dos falares mañego, lagarteiro e valverdeiro: o nivel frástico

Duns anos para acó a cantidade de estudos sobre a(s) lingua(s) das localidades cacereñas de S. Martiño de Trevello, As Ellas e Valverde experimentou un importante aumento. Así, e dentro das nosas fronteiras, ocupáronse das mesmas filólogos, xornalistas, e incluso protagonizaron programas nos medios de comunicación audiovisual; fóra delas, cómpre destaca-lo Congreso Internacional Luso-Español de Lingua e Cultura na Fronteira con cinco comunicacións sobre estas falas. De xeito proporcional vai aumentando o acaloramento nos debates e discusións verbo da súa orixe e posterior filiación ou irmandade lingüística. Variantes do portugués, do portugués-castelán, do leonés, luso-leonés, do galego, galego-portugués… ou galego-portugués leonesizado… son algunhas das hipóteses que se barallan, e, en non poucas ocasións, os argumentos manexados son, cando menos, insuficientes. Co noso traballo non pretendemos dar resposta a este interrogante orixinario, nin sequera achegarnos á caloriña do debate, unicamente queremos analizar sistematicamente un aspecto destes falares que, para nós, está desatendido.Dirección Xeral de Política Lingüística da Xunta de Galici