A programación de aula no marco da LOE. Unha ferramenta ao servizo das tarefas docentes

A escola, hoxe por hoxe, atópase ante unha complexa realidade social, froito do vertixinoso desenvolvemento tecnolóxico, económico e cultural. Este conxunto de demandas sociais fai que o labor docente pase a un primeiro plano, polo que os procesos de ensinar e aprender requiren ser planificados minuciosa e debidamente. Neste contexto de planificación, a programación de aula pasa a ser a unha ferramenta de gran utilidade ao servizo das tarefas docentes. Dela depende, en gran medida, o éxito do noso traballo docente. Así pois, ante a entrada en vigor do novo marco curricular, a LOE (Lei Orgánica 2/2006, de 3 de maio, de Educación), parécenos pertinente analizar criticamente o seu sentido, características definitorias e compoñentes, poñendo enriba da mesa algúns dos seus pilares básicos e vertebradores como son as competencias básicas