Novos apuntamentos para a biografía de José Rodríguez González, o matemático do Bermés

A pesares dos diversos traballos publicados sobre a figura de José Rodríguez González, e tamén dos esforzos realizados nos últimos tempos a prol do recoñecemento deste persoeiro, aínda quedan aspectos inéditos por tratar e segue a ser necesario completar a súa biografía e reivindicar a repercusión histórica das achegas deste matemático galego do século XIX. Pretendemos neste artigo, contribuír con novos apuntamentos para unha pendente biografía completa, unha vez analizados polo miúdo documentos de arquivo existentes nas universidades de Santiago de Compostela e de Gotinga. Dividiremos este traballo, en dúas partes. A primeira relacionámola coa obtención da cátedra de Matemáticas da Universidade de Santiago de Compostela, que serviulle de pulo para que anos máis tarde pasase a Francia para formarse cos mellores científicos da época e lle permitise participar na medición do arco meridiano e triangulación das Illas Baleares, o que lle deu sona internacional. A segunda parte está en relación coa súa estadía en Alemaña, onde podemos confirmar a relación que tivo Rodríguez con Carl Friedrich Gauss, un dos matemáticos máis sobranceiros de todos os tempos.NO