Fjölskyldur nútímans : hvernig er staðið að fræðslu um margbreytileikann í leikskólum?

Fjölbreytileiki samfélagsins er ávallt að aukast bæði með fjölmenningu og margvíslegri uppbyggingu mismunandi fjölskyldna, þverskurður samfélagsins birtist ávallt innan veggja leikskólanna þar sem lang flest börn hefja sína skólagöngu. Mikil vitundarvakning hefur verið um málefnið og hefur Reykjavíkurborg sýnt gott fordæmi að fræðslu til fyrirtækja, starfsfólks menntastofnana og foreldra til þess að auka víðsýni og fræðslu um margbreytileikann í samfélaginu. Í þessari ritgerð skoðaði ég hvernig staðið væri að fræðslu um mismunandi fjölskylduform í leikskólum. Tekin voru viðtöl við deildarstjóra þriggja ólíkra leikskóla, þar sem viðhorf og þekking þeirra voru könnuð sem og fræðslumöguleikar leikskólanna. Eftir greiningu viðtalanna kom í ljós að fræðslu er verulega ábótavant í leikskólunum og þekking starfsmanna í algjöru lágmarki um þörf samfélagsins á fræðslu um margbreytileikann. Það er nauðsynlegt að bæta úr þessu og gæta þess að starfsfólk leikskóla fái viðeigandi fræðslu