Mæður og börn sem verða fyrir heimilisofbeldi: Langtímaáhrif ofbeldis á heilsu og þroska

Ritgerð þessi er lokaverkefni til BA prófs í félagsráðgjöf við Háskóla Íslands. Megin tilgangur hennar er að varpa ljósi á alvarleika heimilisofbeldis og þau langtíma áhrif sem verða á líf og heilsu mæðra og barna sem verða fyrir heimilisofbeldi. Einnig er tilgangurinn að skoða nánar þau víðtæku áhrif sem ofbeldi hefur á börn sem verða fyrir beinu eða óbeinu ofbeldi innan heimilis. Fjallað verður um heimilisofbeldi og birtingamyndir ofbeldis. Fjöldi rannsókna hafa verið gerðar um áhrif ofbeldis á geðræna heilsu og hafa þær afleiðingar verið viðurkenndar. Það er ekki fyrr en nýlega sem byrjað var að rannsaka áhrif ofbeldis á líkamlega heilsu. Nýlegar rannsóknir benda til þess að afleiðingarnar ofbeldis séu mun alvarlegri en áður var talið, og hafi djúpstæð áhrif á líkamlega og andlega heilsu þolenda. Fjallað verður um Barnasáttmála sameinuðu þjóðanna og áhrif hans á íslenska löggjöf er varðar lagalega vernd barna gegn ofbeldi og öðru vítisverðu hátterni. Einnig verður farið yfir þau úrræði sem standa til boða fyrir konur og börn sem upplifað hafa ofbeldi, starf félagsráðgjafa og aðkomu í slíkum málum og mikilvægi aukinnar þekkingar í þessum málaflokk