Lestur og samræður til eflingar orðaforða ungra barna : spil með íslensku húsdýrunum

Verkefni þetta fjallar um hversu mikilvægt það er að byrja lesa snemma fyrir börn og hlusta á þau þegar þau byrja að lesa. Við lestur geta börn áttað sig á ákveðnum hljóðum og þau tengjast bókstöfunum sem eru fyrir framan þau. Umræður eru stór hluti af þroskaferli barna sem og skólastarfi og með því að ræða um inntak námsins og atburði sem gerast heima við eflist orðaforði barna til muna. Með því að gefa börnunum tækifæri til þess að tjá skoðanir sínar og ræða málin geta kennarar stuðlað að fjölbreyttri orðaforðamyndun, framburðurinn verður góður og minni þeirra þjálfast. Tilgangurinn með orðaforðaspilinu er því að gefa börnum tækifæri til að efla frekar orðaforða sinn á fjölbreyttan hátt. Valið var að leggja áherslu á íslensku húsdýrin og ýmis störf í sveitinni og geta börnin í gegnum spilið byggt upp og eflt orðaforðann og jafnframt skilning sinn og þekkingu á efninu. Orðaforðaspilið nýtist til kennslu þar sem komið er inn á lestur, hlustun, lesskilning og tjáningu og einnig sem leikur, þar sem sá sem fær flest orðaspjöld vinnur