Það er leikur að lesa : um áhrif leikbóka á hvatningu barna til bóklesturs

Þessi ritgerð er lokaverkefni til B.Ed. prófs í grunnskólakennarafræðum við Menntavísindasvið Háskóla Íslands. Markmið ritgerðarinnar var að kanna hvernig leikbækur geti haft áhrif á hvatningu barna til bóklesturs. Rannsóknir hafa sýnt fram á hnignandi lestrarfærni barna og unglinga í takt við minnkandi áhuga þeirra á bóklestri og auknum áhuga á stafrænni afþreyingu. Hugarfar nemenda gagnvart námi og lestri hefur gríðarleg áhrif á mögulegan árangur og mikilvægt er að styrkja innri áhugahvöt nemenda en rannsóknir sýna að þeir nemendur sem eru drifnir áfram af innri áhugahvöt nái meiri árangri en þeir sem drifnir eru áfram af ytri áhugahvöt. Umfjöllunin byggist á rannsóknum um lestur, áhugahvöt, tölvuleiki, leikjavæðingu og þessir þættir skoðaðir með hliðsjón af leikbókum, þá sér í lagi leikbók Ævars Þórs Benediktssonar, Þinn eign tölvuleikur