Mikilvægur orðaforði fyrir fjöltyngi og vélþýðingar: 25 smásögur á grundvelli námsorðaforða LÍNÓ II

Hér á eftir koma 25 smásögur sem skrifaðar voru af Berglindi Ernu Tryggvadóttur og Þórunni Rakeli Gylfadóttur fyrir verkefnið Mikilvægur orðaforði fyrir fjöltyngi og vélþýðingar. Markmið verkefnisins er að byggja upp verkfæri sem auðvelda þeim sem eru að læra íslensku að bæta lesskilning, með því að tileinka sér mikilvægan orðaforða sem oft kemur fyrir í námstextum. Til grundvallar verkefninu og okkar þætti í því liggur námsorðalistinn LÍNÓ II sem unninn er upp úr rannsóknum Sigríðar Ólafsdóttur og fleiri fræðimanna á Menntavísindasviði Háskóla Íslands. Á listanum er orðum raðað eftir algengi í hinum ýmsu textum sem lagðir eru til grundvallar. Allir þeir textar sem notaðir voru við gerð námsorðalistans, s.s. fræðirit, fréttir, alþingisfrumvörp og háskólaritgerðir, eru frá 21.öld. Smásögurnar eru ætlaðar 13 ára og eldri