BACILLUS THURINGIENSIS SHTAMMLARINING G'O'ZA TUNLAMI (HELICOVERPA ARMIGERA HBN) VA KOLORADO QO'NG'IZI (LEPTINOTARSA DECEMLINEATA SAY) GA QARSHI KURASHDA INSEKTISID LIK FAOLLIGI

Qattiq qanotlilar va tangacha qanotlilar turkumlarini Chrysomelidae va Noctuidae оila vakillaridan kolorado qoʼngʼizi (Leptinotarsa decemlineata) va gʼoʼza tunlami (Helicoverpa armigera) qishloq xo'jaligi ekinlaridan kartoshka va gʼoʼzani xavfli zararkunandalari hisoblanadi. Ularga qarshi kurashda mikrobiologik himoya vositalaridan foydalanish atrof-muhitni musoffaligini taʼminlashda, organik qishloq xoʼjaligi mahsulotlarini yetishtirshda katta ahamiyatga egadir. Olib borilgan tadqiqotlar natijasida qishloq xoʼjalik ekinlari zararkunandalaridan Bacillus thuringiensis 26/1, 1fo va 94 mahalliy shtammlari ajratib olindi va ular asosidaa tayyorlangan bioinsektitsid preparatlarini G’o’za tunlamiga qarshi sinalganda 14-kunda Bt-26/1 shtammi 82,5% ni, Bt-1fo shtammi- 80,7% ni va Bt-94 shtammi esa -83,0% insektisidlik faollikni va Kolorado qo’ng’izigа nisbatan Bt-26/1 shtammi ishlov berilgandan keying 14 kunda 81,2% ni, Bt-1fo shtammi - 78,2% ni va Bt-94 shtammi esa 82,5% insektisid faollikni ko’rsatdi