ONA TILI VA O'QISH SAVODXONLIGI DARSLIGIDAGI MAVZULAR ASOSIDA KICHIK OG'ZAKI INSHO YOZDIRISH USULLARI

Insho ijodiy ishning eng yuqori ko’rinishi bo’lib, diktant va bayonga nisbatan ko’proq mustaqillikni talab qiladi. Bolada mustaqil insho yozish malakasini hosil qilish uchun, avvalo, uning og’zaki nutqini o’stirish yuzasidan ish ko’rish lozim. Chunki bola¬ning og’zaki nutqi qanchalik yaxshi tapaqqiy etgan bo’lsa, bu uning yozma nutqida ham o’z aksini topadi. Bola biror voqea-hodisani xoh yozma, xoh og’zaki bayon qilishi uchun, ma’lum darajada so’z boyligiga ega bo’lishi: u yoki bu mavzuda fikrni aniq ifoda qilish uchun mavzuning mazmuniga mos so’z va so’z birikmalarini topa bilishi, nutqda ularni o’z o’rnida ishlata olishi lozim. Shuning uchun ham o’quv yilining boshidan mashg’ulotlar o’qish va yozishni o’rgatish bilan birga og’zaki va yozma nutqni o’stirishga ham qaratiladi