SOʻZ XUSUSIDAGI ADABIY-ESTETIK QARASHLARNING LIRIK TALQINI

Maʼlumki soʻz insonga Alloh tomonidan berilgan eng ulugʻ neʼmatdir. Chunki, soʻz orqali inson oʻzligini anglaydi, tafakkur qiladi, boshqalar bilan munosabatga kirishadi va muloqot qiladi. Shubhasiz, inson hayotida uning oʻrni beqiyosdir. Soʻzning paydo boʻlishi haqida antik davrdan buyon bahs-munozaralar toʻxtamaydi. Qadimgi yunon olimlarining bu masalada ikki qarama-qarshi guruhga boʻlinganliklari, biri nom bilan u ifodalagan narsa oʻrtasida bogʻliqlik mavjudligi gʻoyasini ilgari sursa, ikkinchi guruh esa, aksincha, hech qanday aloqa yoʻqligini, shuning uchun bir narsa turlicha nomlanishini bayon qiladilar