Globallashuv va uning jamiyat hayotida namoyon bo'lish sohalari

XXI asr insoniyat tarixiga tsivilizatsiyalararo muloqot asri, texnika texnologiya va axborot kommunikatsiyalar tizimi misli ko‘rinmagan darajada takomillashib boruvchi asr sifatida kirib keldi. Hozirgi davr – dunyo g‘oyaviy qarama –qarshiliklari murakkab tus olgan, mafkura poligonlari yadro poligonlaridan ham kuchliroq bo‘lib borayotgan davrdir. XXI asr boshlariga kelib dunyo mamlakatlari o‘rtasidagi o‘zaro ta’sir shu qadar kuchayib ketdiki, bu jarayondan to‘la chegaralanib olgan birorta ham davlat yo‘q. Globallashuvning turli mamlakatlarga o‘tkazayotgan ta’siri ham turlichadir. Bu hol dunyo mamlakatlarining iqtisodiy, axborot, ma’naviy salohiyatlari va siyosati qanday ekani bilan bog‘liq. Bu jarayonni kengroq izohlaydigan bo‘lsak, globallashuv (globalizatsiya) – lotincha “glob” so‘zidan olingan bo‘lib, aynan uni “dumaloqlashuv”, “quralashuv” deb tarjima qilish mumkin. Yer sharining, yer kurrasining fan texnika yutuqlari tufayli insoniyat ihtiyoridagi xuddi bir butun sharga, kurraga aylanishini tushunish uchun ishlatiladi. Insoniyat taraqqiyoti ayni vaqtda ishlab chiqarish kuchlarini rivojlanish jarayonidir. Bu jarayon asrdan asrga, ming yillar davom etgan