XIVA XONLIGI ELCHILIK ALOQALARI

Xiva xonligi diplomatiyasi Buxoro va keyinchalik tashkil topgan Qo‘qon xonligiga nisbatan olib qaraganda ancha sust bo‘lgan faqatgina ma’lum bir davrdagina yuqori cho‘qqiga erishgan. Xiva xonligi tarixi haqida yozilgan asosiy manba o‘sha zamonda ijod qilgan tarxichgi va olimlar asarlari sanaladi. Abulg‘ozi Bahodirxon tomonidan yozilgan “Shajarayi Turk” o‘z zamonasini yoritib bergan bo‘lsa, keyingi davrlarini Munis va Ogahiy asarlari Xiva xonligi tarixini ochib berish uchun xizmat qilgan. “Firdavs ul-iqbol” va “Shohidi iqbol” tarixiy asarlari bir-birini uzviy to‘ldirgan katta buyuk tarixiy ma’lumotlardir. Bundan tashqari “Riyoz ud-davla” hamda “Zubdat ul-tavorex” da ham ko‘plab Xiva xonligi diplomatiyasiga oid ma’lumotlar uchraydi. Xiva xonligi diplomatiyasi anchayin keng yoritib berilganligi ilmiy izlanuvchilarga keng imkoniyatlar ochib beradi