Lawak ng Pagkatuto ng Mag-aaral Kaugnay saPaggamit ng Differentiated Instruksyon

Ang pag-aaral na ito ay pagsusuri sa lawak ng pagkatuto ng mga mag-aaral kaugnay sa paggamit ng Differentiated instruksyon. Ang mga respondent ng pananaliksik na ito ay ang piling mga mag-aaral at mga guro na kasalukuyang nagtuturong asignaturang Filipino na gumamit ng differentiated instruksyon sa kanilang pagtuturo. Ito ay ginawa sa taong panuruan 2019-2020 sa pampublikong paaralan,lungsodng Sta. Catalina, Negros Oriental. Napatunayan sa pag-aaral na ito na malawak ang antas ng persepsyon ng mga mag-aaral kaugnay sa kanilang pakikilahok, kasanayan, interes, at oportunidad kung ang kanilang mga guro ay gumagamit ng differentiated instruksyon. Di gaanong malawak naman nanaranasan ng mga guro ang mga suliranin kaugnay sa dami o bilang ng mga mag-aaral sa klase, pamamahala sa loob ng klasrum, at paggamit ng kagamitang pampagtuturo sa panahon na ginamit nila ang differentiated instruksyon. Ang performans ng mga mag-aaral pagkatapos magamit ang differentiated instruksyon ay natatangi na may kabuuang 86.42%.May significant na kaugnayan sa pagitan ng lawak ng pagkatuto ng mga mag-aaral sa paggamit ng differentiated instruksyon sa kanilang pakikilahok, at ang kanilang akademik performans. Subalit walang kaugnayan ang lawak ng kanilang kasanayan, interes, at oportunidad sa kanilang akademik performans. May significant na kaugnayan sa pagitan ng problemang nararanasan ng mga guro kaugnay sa dami o bilang ng mga mag-aaral sa klase at ang akademik performans ng mga mag-aaral. Sa kabuuan, malawak ang pagkatuto ng mga mag-aaral gamit ang differentiated instruksyon