Glosak Azkarate eta Perez Gazteluren lan baten inguruan

Lan honetan Azkarate eta Perez Gazteluk argitaratutako “Euskara estandarrak bernakularizazio aldian” artikuluaren gaikako irakurketa-proposamena egingo dugu gure esparrutik, ahoskeraren zaintzaren aldetik. Artikulua irakurtzean komentagai gertatu zaizkigun zenbait gai bildu eta horien inguruan aritu gara, zenbaitetan gogoeta eginez, beste batzuetan kezkak elkarbanatuz, iruzkinak eginez eta abar. Hamalau glosa modukoren bidez aurkeztu ditugu arrazoi desberdinengatik arreta eman eta biltzeko modukoak diren ideiak, terminoak zein argudioak. Lanaren helburua da hautatutak hitzek edo ideiek adierazten dutena azpimarratzea, argitara ekartzea, zenbait ezagunak izan arren, beste zenbait ezezagunagoak eta batzuetan deserosoak ere badirelako. Halaz ere, edo horrexegatik inportante direlako ipintzen ditugu mahai gainean esker onez. HITZ GAKOAK: Estandarizazioa, hizkera mailak, ahoskera, erabilesparruak, aldakortasuna