Endurkoma í íþróttir eftir meiðsli

Það er algengt að íþróttafólk verði fyrir meiðslum. Íþróttameiðsli hafa mikil og víðtæk áhrif, bæði líkamleg og sálræn. Meiðsli hafa áhrif á tilfinningar, líðan og hegðun íþróttafólks. Endurhæfing leggur áherslu á líkamlega þjálfun, en sjaldnast er lögð áhersla á sálræna þáttinn. Samkvæmt rannsóknum spila sálrænir þættir stórt hlutverk við endurhæfingu og hafa áhrif á áframhaldandi íþróttaiðkun. Markmið verkefnisins er að kanna áhrif meiðsla á íþróttafólk og skoða hvað eykur líkurnar á endurkomu í íþróttir eftir meiðsli. Heimildaleit sýndi meðal annars fram á að jákvætt viðhorf og félagslegur stuðningur eru mikilvægir þættir sem hjálpa íþróttafólki að vinna úr neikvæðum tilfinningum í kjölfar meiðsla. Sálræn þjálfun samhliða líkamlegri þjálfun í endurhæfingu hjálpar íþróttafólki að takast á við erfiðleika sem fylgja meiðslum. Einnig er hægt að nota sálræna þjálfun sem forvörn og undirbúa íþróttafólk undir það að takast á við meiðsli