Kvenréttindabaráttan á Íslandi um aldamótin 1900 : greinagerð og námslota fyrir unglingastig í grunnskóla

Þetta lokaverkefni er til B.ed.-prófs við menntavísindasvið Háskóla Íslands. Lokaverkefnið skiptist í tvo hluta annars vegar námslotu og hins vegar greinagerð uppúr námslotunni. Námslotan byggir á 6 vikna lotu í kvenna- og kynjasögu fyrir samfélagsgreinar á unglingastigi grunnskóla. Námsefnið er um kvenréttindabaráttuna á Íslandi um aldamótin 1900. Ástæða fyrir vali á þessu efni er skortur á sögu íslenskra kvenna í námsefni grunnskólanna. Gerðar hafa verið rannsóknir á þessu sviði og er markmiðið að fjölga nafngreindum konum og sögum þeirra í sögukennslu og að auka jafnréttisfræðslu í grunnskólum. Í greinagerðinni er farið yfir kvenna- og kynjasögu í grunnskólum á Íslandi með femínísk menntunarfræði að leiðarljósi og hugtök eins og sögulega hugsun. Einnig er farið yfir stöðu kvenna í námsefni. Í lok greinagerðarinnar er farið yfir námslotuna í heild sinni, markmiðin með henni, skipulag og námsmat