Jafn grundvöllur fyrir okkur öll : brekkan er misbrött : staða og möguleikar tómstundamála fatlaðra í Mosfellsbæ

Þátttaka í uppbyggilegu tómstundastarfi hefur góð áhrif á margan hátt. Hún gefur lífinu gildi, bætir líðan, eflir sjálfstraust, félagsþroska og sjálfsmynd svo eitthvað sé nefnt. Markmiðið með ritgerðinni er að skoða framboð á skipulögðu tómstundastarfi fyrir þau börn og ungmenni í Mosfellsbæ sem eiga við líkamlega og eða andlega fötlun að stríða. Fjallað verður um mikilvægi frítímans og hvernig tómstundir geta í fræðilegu samhengi haft jákvæð áhrif á líf þeirra sem leggja stund á þær. Svo víkkar sjónarhornið og fjallað er um fatlað fólk í samfélaginu og mikilvægi þess að huga að tómstundamálum fyrir þennan hóp fólks. Auk þess verður horft til þess hvernig íslenska þjóðin heldur utan um réttindi þessa hóps með lögum og alþjóðasamþykktum. Svo er sjónum beint að Mosfellbæ og stöðu tómstundamála þar auk nákvæmari umfjöllunar um hvað stendur fötluðum börnum og ungmennum sem búa í Mosfellsbæ til boða þegar kemur að tómstundastarfi sem mætir þeirra þörfum