Tækni og tónlistarstarf : samþætting snjall- og vefforrita við tónlistarstarf með leikskólabörnum

Í námi okkar í leikskólakennarafræði og jafnframt í gegnum starf okkar á leikskólum höfum við fengið innsýn inn í tónlistarstarf og kosti þess. Rannsóknir hafa sýnt fram á að tónlist hefur jákvæð áhrif á almennan þroska barna og er hún notuð til að efla málþroska, sköpun og sjálfstraust þeirra. Það er okkar mat að hægt sé að efla tónlistarstarf með því að nýta þá tækni sem er til staðar í okkar nærumhverfi. Viðteljum jafnframt að kennsluefni, þar sem notast er við vef- og snjallforrit sé góður grunnur að því að styðja við tónlistarsköpun með nemendum. Flest börn í nútímasamfélagi nota snjalltæki, því er mikilvægt að þau læri snemma að nýta sér þau til gagns. Markmið okkar er því að kanna og skoða hvort efla megi þátttöku barna og áhuga þeirra á tónlistarstarfi í leikskóla með því að nota vef- og snjallforrit í kennslu