Að verða foreldri : foreldrafræðsla

Foreldrahlutverkið er eitt ábyrgðarmesta og mikilvægasta hlutverk sem einstaklingar fá upp í hendurnar. Foreldrar vilja almennt standa sig vel í því og sækjast þar af leiðandi í fræðslu um uppeldi. Foreldrafræðsla ætti því að vera öllum aðgengileg og auðlesanleg fyrir og eftir fæðingu barna. Í þessari greinargerð verður farið yfir margskonar þætti sem tengjast foreldrahlutverkinu og þætti sem höfundar telja vera mikilvæga í uppeldi barna. Markmið verkefnisins var að búa til vefsíðu ásamt greinargerð þar sem foreldrar geta leitað sér að hnitmiðaðri fræðslu sem getur nýst þeim allt frá meðgöngu og þar til barnið hefur náð tveggja ára aldri. Rannsóknir hafa sýnt fram á að aðgengileg foreldrafræðsla geti haft verndandi og valdeflandi áhrif á foreldra þegar þeir takast á við fyrstu árin í foreldrahlutverkinu