Áskoranir í samstarfi : sjónarhorn foreldra af erlendum uppruna og grunnskólakennara á Íslandi

Samstarf heimila og skóla hefur fengið talsvert vægi í grunnskólastarfi á Íslandi. Samkvæmt aðalnámskrá grunnskóla er gott samstarf heimila og skóla mikilvægur þáttur í árangursríku skólastarfi, farsælli námsframvindu barna og velferð þeirra. Þá hafa rannsóknir bent til jákvæðra áhrifa af þátttöku foreldra í námi barna á námsárangur þeirra. Jafnframt er talið að samstarf við foreldra geti styrkt börn bæði félagslega og í námi og er því mikilvægt að eiga í góðu samstarfi við alla foreldra. Hins vegar benda rannsóknir á að foreldrar af erlendum uppruna og grunnskólakennarar mæti áskorunum í samstarfi. Markmið ritgerðarinnar er að varpa ljósi á áskoranir í samstarfi foreldra af erlendum uppruna og grunnskólakennara til að fá innsýn í sjónarhorn beggja á Íslandi. Gögnum var aflað frá fræðilegum heimildum og er ritgerðin hefðbundin rannsóknarritgerð. Helstu niðurstöður sýna að reynsla foreldra af erlendum uppruna og grunnskólakennara af samstarfi er margþætt og mæta þau ýmsum áskorunum. Áskoranir frá sjónarhorni foreldra af erlendum uppruna koma fram í ólíkri sýn og væntingum til náms, kennslu og uppeldi barna en tíðkast í íslensku skólakerfi. Jafnframt er upplýsingagjöf ábótavant og er takmörkuð þekking á skólastarfinu og starfsháttum þess. Áskoranir frá sjónarhorni grunnskólakennara eru tungumálaerfiðleikar, menningarmunur og skortur á undirbúningi fyrir fjölmenningarlega kennslu