Samband kóra og kvikmynda

Kvikmyndir hafa ætíð innihaldið einhvers konar tegund tónlistar og kórtónlist er þar ekki undanskilin. Í þessari ritgerð verður fjallað um hvernig samband kórtónlistar og kvikmynda er háttað, hvernig sambandið er í sögulegu samhengi, gerð grein fyrir almennri notkun kórtónlistar í kvikmyndum og þeirri spurningu velt upp hvort hún sé notuð við einhverjar sérstakar aðstæður frekar en aðrar. Helstu heimildir eru ritgerðir og rannsóknir sem fjalla um kórtónlist í kvikmyndatónlist. Vitnað er í sögubækur, gagnrýni og greiningu á kvikmyndaverkum sem innihalda kórsöng til að mynda Duel of the Fates eftir John Williams og tölvugerða kórinn í kvikmyndinni Titanic. Niðurstaða þessarar ritgerðar er sú að kórtónlist í kvikmyndum getur verið mjög fjölbreytt og sýnt verður fram á að vinsælt hefur verið að nota hana við dramatískar senur í kvikmyndum sem og í aðrar senur