Inngilding innflytjenda og flóttafólks í dreifbýli og smærri samfélög : Tækifæri og áskoranir

Fólksflutningar eru eitt helsta afl hnattrænnar þróunar og þjóðir um allan heim hafa þurft að bregðast við auknum áhrifum fólksflutninga. Í móttöku innflytjenda og flóttafólks eru borgar- og sveitarstjórnir í lykilhlutverki. Áhersla á inngildingu innflytjenda og flóttafólks hefur aukist og stefnumótanir þjóða og aðgerðir þeirra beinast að því að innflytjendur fái tækifæri til þess að verða virkir og fullgildir þátttakendur í nýju samfélagi. Margar þjóðir, þar á meðal Ísland, hafa komið móttöku innflytjenda og flóttafólks fyrir í dreifbýlum og minni samfélögum og hefur því fylgt bæði ýmis tækifæri og áskoranir. Tækifæri eru til aukinnar velferðar innflytjenda og flóttafólks, t.d. vegna félagsauðs, félagslegra tengsla og samheldni dreifbýla. Einnig eru tækifæri til samfélagslegrar þróunar þar sem innflytjendur hafa jákvæð samfélagsleg áhrif í dreyfbýlum. Hins vegar hefur móttaka innflytjenda og flóttafólks verið dreifbýlum mikil áskornum, þar sem þeim skortir almenningsþjónustu, innviði og færni. Félagsráðgjöf í dreifbýlum getur haft mikil áhrif á inngildingarferli og inngildingaraðferðir