Meðganga og fæðing á tímum Covid-19: Andleg heilsa foreldra á tímum einangrunar og óvissu

Í byrjun árs 2020 breyttist samfélagið út um heim allan vegna kórónufaraldurs sem varð að heimsfaraldri en í daglegu tali er talað um Covid-19. Sá tímapunktur í lífi fólks þegar von er á barni er tími mikillar gleði og eftirvæntingar en einnig geta áhyggjur af framtíðinni komið hjá verðandi foreldrum. En þegar Covid-19 skall á þurftu þeir foreldrar sem áttu von á barni einnig að hafa áhyggjur af áhrifum veirunnar og aðlagast nýjum reglum í samfélaginu sem settar voru á til að sporna við útbreiðslu Covid-19. Mikil óvissa ríkti hjá verðandi foreldrum í byrjun faraldursins um hvort að smit móður myndi berast til fósturs og hvaða áhrif það gæti haft á barnið. Tilgangur minn með þessari rannsókn er að auka skilning á upplifun og reynslu foreldra og auka við þekkingu á hvað betur mætti fara í næsta heimsfaraldri þegar kemur að þjónustu við ófrískar konur. Gerð var eigindleg rannsókn og tekin viðtöl við 4.pör sem öll áttu það sameiginlegt að hafa eignast barn á árunum 2020 til 2021. Niðurstöður sýndu að aukin kvíði gerði vart við sig hjá mæðrum vegna þeirra óvissu sem ríkti, þá sérstaklega hvort maki fengi að vera viðstaddur og áhrif smits á barnið. Feðurnir upplifðu höfnun af hendi heilbrigðisstarfsfólks og fannst þeim ekki fá að upplifa sig í hlutverki stuðningsaðila í barneignaferlinu. Samt sem áður voru þátttakendur allir sáttir með að upplifa rólega tíma fyrstu vikurnar heima og samverustundirnar voru fleiri og nánari vegna einangrunar