‘He poroporoaki ki te rangatira nā tana irāmutu’

He kupu whakataki: I te 29 o ngā rā o Whiringa ā-nuku, 2010, i mate mai tētehi o ngā tino kaumātua nō te kāinga nei, nō Te Tahaaroa. Ko te iwi ko Waikato, ko te hapū ko Ngāti Mahuta (ki te tai hauāuru). Ko tōna marae ko Te Kōraha, ā, ko Wharetoroa Robert (Bob) Kerr tōna ingoa. He pou whakakikiwā, he teo herenga waka, he rākau tau matua nō roto tonu mai i te rohe o Tainui. I taetae atu te iti, te rahi, me kī rā, te hārakerake ki te tuku mihi, tuku poroporoaki me te whakatakoto kōrero ki te marae ātea mō te rangatira nei i te wā i takahia ai e ia te mata o te whenua